Ekspertët e shëndetit nga shoqata “Cancer Causes and Control”, kanë ardhur në përfundim se njerëzit që i takojnë komunitetit Amish, janë njerëzit më të shëndoshë në Amerikë, për shkak të stilit të jetës që kanë dhe mënyrës se si ushqehen, shkruajnë mediat amerikane, transmeton Klan Kosova. Pjesëtarët e këtij komuniteti, janë të vetmit në mesin e të cilëve nuk është regjistruar asnjë rast i sëmundjes së kancerit. Ekspertët e Universitetit të Ohio’s, kishin nisur studimet në këtë komunitet, për të parë nëse mungesa e mjekësisë konvencionale e rriste rrezikun për kancer te ta. Shumica e anëtarëve të komunitetit Amish, bazuar në besimet dhe sistemet e tyre të vlerave, nuk konsumojnë duhan e as alkool dhe nuk bëjnë jetë imorale. Ekspertët kanë konkluduar se stili i jetës është një indikator shumë i rëndësishëm në rrezikun për tu sëmurë nga kanceri.