“Na ka kapur, është këtu me ne”. Është mesazhi i fundit që Eddie Justice, 30 vjeç, një prej viktimave të masakrës së ndodhur dje në një klub nate në Orlando në SHBA, i ka nisur nënës së tij përpara se të qëllohej për vdekje nga agresori që i mori jetën 50 personave. “Ai po vjen, shkruan më tej i riu, do të vdes”. Ndërkohë FBI dhe policia lokale kanë rrethuar shtëpinë e autorit të masakrës, amerikanit me origjinë afgane, Oma Mateen.
Gazeta britanike “Daily Mail” ka publikuar fotografitë e mesazheve të dërguara nga i riu nënës së tij, ku i kërkon ndihmë. Djali i kishte shkruar të ëmës më parë, ku i thoshte se ishte fshehur në banjo dhe i kërkonte asaj që të lajmëronte policinë./SHQIP/
