Cikli menstrual mund të ndikojë në shumë gjëra si : oreksi, lëkura, madje edhe zëri.
Sipas Anna Druet, një shkencëtare kërkimore në Clue, këtu janë disa nga gjërat më të çuditshme që me siguri nuk i keni imagjinuar asnjëherë, të cilat janë në ndikim të plotë nga cikli juaj menstrual.
Zëri: Amy, një këngëtare 28-vjeçare, në Londër, përpiqet gjithmonë të shmangë interpretimet në skenë, në periudhën para ciklit menstrual. “ Unë jam më e prirur për të ngjirur zërin gjatë kësaj periudhe,” thotë ajo. Një meta-analizë zbuloi se ndryshimet hormonale që lidhen me periudhën e ciklit tuaj menstrual mund të ndikojnë në zërin tuaj më shumë nga çmund ta imagjinoni.
Më të ndjeshëm ndaj dhimbjeve: Nëse keni vendosur të bëni ndonjë procedurë të dhimbshme, ju mund ta planifikoni atë pas ciklit menstrual. Gratë ndjejnë më shumë dhimbje gjatë fazave premenstrual dhe menstruale, kur niveli i estrogjenit është i ulët.
Niveli i ndjeshmërisë: Nivelet e ulëta të progesteroneve gjatë gjysmës së parë të ciklit menstrual, janë të lidhura me një aftësi të lartë për të lexuar emocionet e të tjerëve. Ka shumë mundësi që gjatë fazës së mensturavioneve të bëhëni më të ndjeshëm se zakonisht.
Aftësia për të braktisur zakonet e këqia: Një studim i fundit zbuloi se në qoftë se jeni duke u përpjekur për të lënë duhanin, mund të jetë më mirë të filloni pas ciklit menstrual. Gjatë fazës folikulare, aftësia e trurit për të ushtruar kontroll është e dobët. Kjo mund të tingëllojë e çuditshme, por hormonet me të vërtetë ndikojnë në çdo aspekt të sjelljes tuaj.