Prej ditës së parë që është shfaqur në ekran, Erjona Rusin e kemi parë si gazetare e spikere lajmesh, një punë që ajo e ka mbajtur me sukses përgjatë shumë viteve. Por duket se Erjona e ka arritur maksimumin e saj në këtë fushë dhe tani ka vendosur të ndryshojë profil. “RevistaWho.Com” mëson se Rusi ka braktisur punën e saj si spikere në televizionin “Report tv”, por do t’i rikthehet ekranit në një tjetër studio. Këtë herë jo më si folëse lajmesh por si prezantuese e një programi. Rusi ka ndjekur nga afër çështje me rëndësi në rajon e botë, duke furnizuar me lajme disa media. Ajo ka realizuar gjithaq projekte televizive në mbështetje të kauzave të forta sociale, sidomos për çështje të gruas./ revistawho.com
